Movie: Laalo: Krishna Sada Sahaayate (2025)
Genres: Drama, Family
Director: Ankit Sakhiya
Writer: Vicky Poornima, Ankit Sakhiya, Krushansh Vaja
Casts: Shruhad Goswami, Karan Joshi, Reeva Rachh, Anshu Joshi.
Production Company: Jay Vyas Productions, R.D Brothers Movies, Soul Sutra, Neem Tree Entertainment, Manifest Films.
Storyline
લાલજી ધનસુખ પરમાર ઉર્ફે લાલો (કરન જોશી) જુનાગઢનો એક રિક્ષા ચાલક છે. ગરીબી, ઉધારની રકમ, દારૂનું વ્યસન અને પોતાના પરિવાર પ્રત્યેનો કઠોર વ્યવહાર, આ બધી વસ્તુઓના લીધે તે એકદમ તૂટી ગયો છે. તેની પત્ની તુલસી (રીવા રાછ) અને દીકરી ખુશી (મિસ્ટી કડેચા) સાથે તેનો સંબંધ ખૂબ જ તણાવપૂર્ણ છે.
એક દિવસ લાલો એક ફાર્મહાઉસમાં ફસાઈ જાય છે, જ્યાં તે પોતાના ભૂતકાળના દુઃખો, પાપ અને ડર સામે એકલો લડે છે. આ તરફ તેની પત્ની તુલસી અને પડોશીઓ તેને શોધવાના પ્રયત્નો કરી રહ્યા છે. અહી ફસાયેલા લાલાની મદદે એક વ્યક્તિ આવે છે, થોડા દિવસ પહેલા જ લાલો એક ટૂરિસ્ટને મળ્યો હતો જેનું નામ પણ લાલો (શ્રુહદ ગોસ્વામી) છે, અને તે લાલો તેમના માર્ગદર્શન હેઠળ ધીરે ધીરે પોતાની અંદર એક ટ્રાન્સફોર્મેશન અનુભવે છે.
આ એક આત્મશોધ, આત્મસમર્પણ અને સ્વયંને સુધારવાની યાત્રા છે. ફિલ્મ એક સરવાઈવલ થ્રિલરથી શરૂ થઈને એક આધ્યાત્મિક ડ્રામામાં રૂપાંતરિત થાય છે.
Actors, acting, characters, characterization, character development
કૃષ્ણ/ટૂરિસ્ટ લાલો તરીકે શ્રુહદ ગોસ્વામી, જેમણે ભગવાન કૃષ્ણના કેરેક્ટરને એકદમ નિયંત્રિત, વોર્મ અને મોહક રીતે નિભાવ્યુ છે. તે preachy નથી લાગતા, પણ એક મિત્રની જેમ, એક ગાઈડની જેમ લાલાને માર્ગદર્શન આપે છે. તેમની એક્ટિંગ અને ખાસ કરીને તેમનું સ્મિત તેને કૃષ્ણ તરીકે કન્વીન્સ કરવામાં ઘણી મદદ કરે છે.
લાલા તરીકે કરન જોશીનું આ કેરેક્ટર એક તરફ તે દારૂમાં ધૂત, ગુસ્સે ભરેલો, પરિવારને તકલીફ આપનાર છે, તો બીજી તરફ તે એક ટૂટેલો, દુઃખી અને પરિસ્થિતિનો શિકાર બનેલો છે. તેઓ આ કેરેક્ટરમાં ખુબ જ સારી રીતે ફિટ દેખાય છે.
તુલસી તરોકે રીવા રાછ, તેના કેરેક્ટરને ખૂબ જ નેચરલી રીતે નિભાવ્યું છે. એક પત્ની તરીકે જે પીડા, સહનશીલતા અને પ્રેમ હોય છે, તે બધું જ તેમના પર્ફોમન્સમાં જોવા મળે છે.
ખુશી તરીકે મિસ્ટી કડેચા, અન્ય એક્ટર્સમાં અન્શુ જોશી, કિન્નલ નાયક, પારુલ રાજ્યગુરુ અને જયદીપ તિમણિયા, બધાએ પોતાના કેરેક્ટરને યોગ્ય ન્યાય આપ્યો છે.
Cinematography
ફિલ્મના સિનેમેટોગ્રાફર શુભમ ગજ્જર છે. નેચરલ લેન્ડસ્કેપ્સ, જુનાગઢના ગિરનાર, દામોદર કુંડ, ભવનાથ જેવા સ્થળોને ‘Wide shots‘ દ્વારા ખુબ જ સુંદર રીતે કેપ્ચર કરવામાં આવ્યા છે.
કરન અને રીવાના ઝઘડાનો 2 મિનીટ અને 21 સેકન્ડ્સનો ‘Long Take Shot‘ ફિલ્મની સુંદર સિનેમેટોગ્રાફીની એ ઝલક બતાવે છે.
રૂપિયા ભરેલી બેગની અંદરથી લેવામાં આવેલો ‘Law Angle Shot‘, પણ આ આખો સીન ‘Chit Cut‘ દ્વારા શૂટ કરવામાં આવ્યો છે, કેમ કે ટોપ એન્ગલથી અને બેગની અંદર લો એન્ગલથી જોતા બંને શોટ્સમાં રૂપિયાના બંડલની અસ્તવ્યસ્ત ગોઠવણી દેખાઈ આવે છે.
ફાર્મહાઉસમાં શ્રુહદ જયારે કરનને ભેટે છે ત્યારબાદ 2 મિનીટ અને 49 સેકન્ડ્સ લાંબો ‘One Take Shot‘ છે.
ફાર્મ હાઉસની બારી ઉપર બેસેલી ચકલી, પાતળા તાર પર લટકીને હલચલ કરતી ઈયળ, બગીચાના વૃક્ષ પર બેઠેલું શક્કરખોરો. આ કેમેરા વર્ક દર્શાવે છે કે ફિલ્મ ભલે લો બજેટ હોવા છતાં પણ અહી મહેનત ખુબ જ અને સારી રીતે કરવામાં આવી છે.
Director, direction
ડિરેક્ટર તરીકે અંકિત સાખિયાની આ ડેબ્યુ ફિલ્મ છે. આ અગાઉ તેમણે Pehla Gulzaar નામની એક રોમેન્ટિક સીરીઝ બનાવી હતી (આ સીરીઝ યુટ્યુબ પર ઉપલબ્ધ છે, જેનું ‘ગાલિબના શેર જેવી છોકરી’ એક અતિ સુંદર અને હાર્ટ-ટચિંગ ગીત છે).
તેમની વ્યક્તિગત સાદગી, અને ફિલ્મ બનાવવા પાછળનું તેમનું ગાંડપણની હદ સુધીનું પેશન, ડિરેક્ટર તરીકે તેમના આ બંને પોઈન્ટ્સ ખરેખર નોંધવા લાયક છે. કેમ કે ગુજરાતી સિનેમામાં આ પ્રકારનું ગાંડપણ ખુબ રેર જોવા મળે છે.
તેમણે પોતાના અમુક ઈન્ટરવ્યુંમાં પૂરી પ્રમાણિકતાથી એવી વાતો પણ કબુલી છે, જેને જાહેરમાં કહેવી કોઈ ફિલ્મમેકર ક્યારેય પણ પંસદ નહી કરે, ખાસ કરીને આટલી પ્રચંડ સફળતા પછી.
Strong, plus points
(1). ₹50 લાખના ઇન્વેસ્ટની સામે ₹120 કરોડ: આ ફિલ્મનો બિઝનેસ મોડલ જ એનો સૌથી મોટો પ્લસ પોઇન્ટ છે. ₹50 લાખના બજેટ સામે ₹120 કરોડનું કલેક્શન એટલે કે 240x રિટર્ન, આ ભારતીય સિનેમાના ઇતિહાસમાં એક દુર્લભ સિદ્ધિ છે.
(2). શ્રુહદ ગોસ્વામી – કૃષ્ણના રોલમાં સંયમિત, હુંફાળું અને કોઈપણ જાતના ઉપદેશ વગરનું પાત્રાલેખન પ્રેક્ષકોને ખૂબ ગમ્યું.
(3). સોન્ગ્સ અને મ્યુઝીક: “કાન તારી રે” અને “દ્વારિકા નો નાથ” આ ગીતો ઓડીયન્સના દિલમાં વસી ગયા.
(4). પોલેન્ડમાં રિલીઝ થનારી પ્રથમ ગુજરાતી ફિલ્મ: ફિલ્મે ઇન્ટરનેશનલ લેવલે પણ ધ્યાન ખેંચ્યું છે.
(5). Cannes 2026: મેં 2026માં પ્રખ્યાત ‘Cannes Film Festival‘માં સ્ક્રીન થનારી આ સૌથી પહેલી ગુજરાતી ફિલ્મ બની હતી.
(6). ફિલ્મની થિયેટરની પ્રતિક્રિયાઓ ગુજરાતી સિનેમાનો ઈતિહાસ અનોખી છે. ત્રીજા અઠવાડિયા પછી ફિલ્મ હાઉસફુલ થઈ ગઈ.
(7). દર ફિલ્મની જેમ આ ફિલ્મ ફક્ત યુવાન ઓડીયન્સના કારણે સફળ નહોતી થઈ, ઓડીયન્સમાં 50 પ્લસ ઉમરના ખુબ મોટી સંખ્યામાં હતા.
Weak, minus points
ફિલ્મ ટેકનીકલી પરફેક્ટ નથી, પેસિંગ ઇશ્યૂઝ, ઇનકન્સિસ્ટન્ટ વિઝ્યુઅલ્સ, અને સિમ્પલિસ્ટીક રિઝોલ્યુશન, જેવા કેટલાક માઈનસ પોઈન્ટ્સ છે. જે ફિલ્મની પ્રચંડ સફળની પાછળ ઢંકાઈ ગયા છે.
ફિલ્મ બનાવવા માટે પેશન હોવું, મહેનત કરવી તે સૌથી મોટી અને સૌથી પહેલી જરૂરીયાત છે, પણ તેની સાથે ફિલ્મના અતિ જરૂરી ક્રિએટીવ અને ટેકનીકલ પોઈન્ટ્સ ઉપર પર ધ્યાન આપવું એટલું જ જરૂરી છે. સૌથી મોટો પોઈન્ટ ચુકી ગયા પછી પણ ફિલ્મ સફળ થવી, તે ફિલ્મમેકર્સ ચોક્કસ લકી કહી શકાય, પણ આવું વારંવાર નથી બનતું. માટે આ પોઈન્ટ ખાસ ધ્યાનમાં રાખવો જોઈએ.
પણ આ બધા પોઈન્ટ્સ વિષે અત્યારે ડિસ્કસ કરવું હવે એકદમ નકામું છે, કેમ કે આ મુદ્દાઓયે ફિલ્મની કમાણી ઉપર કોઈ જ અસર નથી કરી.
Improvisation
ફિલ્મનું સ્ટોરી સ્ટ્રક્ચર વધુ ઇમ્પ્રૂવ કરી શકાય તેમ હતું, જ્યાં એક્શન ઓછી અને કોમ્યુનીકેશન વધુ હોય તે ભાગ ઓડીયન્સને ધીમાં લાગી શકે છે.
આ ફિલ્મ કોઈ સ્પષ્ટ મેસેજ નથી આપતી, જેથી દરેક ઓડીયન્સ પોતાની સમજ પ્રમાણે જાતે ફિલ્મમાંથી કંઇક શીખી લેઈ છે. જો કોઈ સ્પષ્ટ મેસેજ હોત તો તે ફિલ્મનો વધુ સ્ટ્રોંગ પોઈન્ટ બની શક્યો હોત.
જયારે કોઈપણ કેરેક્ટર એક બંધ જગ્યામાં ફસાઈ ત્યારે પાણી અને ખોરાક તેમની પ્રાથમિક જરૂરિયાત બની જાય છે, અહી એ પોઈન્ટ્સને હજુ વધુ સારી રીતે બતાવી શકાયો હોત. પાણી માટે લાલો ચોક્કસ સ્ટ્રગલ કરે છે, પણ ખોરાક માટે નહી. તે પણ હાઈલાઈટ કરીને બતાવી શકાયું હોત.
આ ઉપરાંત જેમ જેમ દિવસો પસાર થાય તેમ તેમ તેની શારીરિક તાકાત અને હલચલ ધીમે કરીને તેની અસર બતાવી શકાઈ હોત.
Movie trivia
એક રસપ્રદ બાબત એ છે કે શૂટિંગ શરૂ થવાના થોડા દિવસ પહેલા શ્રુહદે ડિરેક્ટરને કહ્યું કે “હું કૃષ્ણનું કેરેક્ટર નિભાવી નહી શકું.” તેમને લાગતું હતું કે “આ રોલ માટે હું પોતાને લાયક નહોતો માનતો. મારામાં એટલી લાયકાત નથી.”
રીવા રાછે આ ફિલ્મમાં ફીસ લીધા વગર ફ્રીમાં કામ કર્યું હતું
Wheel of Fortune India આ શોમાં અક્ષય કુમારની સામે રીવા રાછે કહ્યું હતું: “ફ્રીમાં કરી હતી આ ફિલ્મ.” આગળ તેમણે જણાવ્યું “જુનાગઢ હું પહોચી ત્યાંથી હું છકડામાં બેસીને આગળ ગઈ હતી.”
આઠ ગુજરાતી ફિલ્મો અને પાંચ સીરીઝ કર્યા પછી પણ રીવાએ આ ફિલ્મમાં ફ્રીમાં કામ કર્યું. જે તેમની એક્ટિંગ પ્રત્યેનો પ્રેમ દર્શાવે છે. ફ્રીમાં કામ કરવાનો મતલબ ‘સ્ટ્રગલ’ નથી. ઉપરાંત આટલા અનુભવ પછી પણ તેમણે આ ફિલ્મ માટે ઓડીશન પણ આપ્યું હતું.
તેમણે કહ્યું હતું “મેં એવી ફિલ્મોમાં પણ કામ કર્યું છે, જ્યાં સૌથી સારા કેમેરા હતા, બેસ્ટ લાઈટીંગ હતી, અને અહી એવું સહેજ પણ નહોતું, અહી બધું જ જાતે મેનેજ કરવું પડતું હતું, છતાં પણ આ અનુભવ બેસ્ટ હતો.”
માયથોલોજીકલ કેરેક્ટર, એક અભિશાપ
ઈતિહાસ ગવાહ છે કે જે એક્ટિંગની શરૂઆત કરતા એક્ટરે જયારે ભગવાનનું પાત્ર ભજવ્યું છે, ત્યારે તેમને લોકચાહના પુષ્કળ મળી છે, પણ ત્યારબાદ તેમની એક્ટિંગ કેરીયરની પ્રગતિ એ મુજબ નથી થઇ જે પ્રમાણે થવી જોઈએ. અરુણ ગોવિલ અને નીતીશ ભારદ્વાજ તેનું ઉત્તમ ઉદાહરણ છે. જેમાં અરુણ ગોવિલે તો આ વાત જાહેરમાં પણ સ્વીકારી હતી.
આશા રાખીએ કે મોર્ડન ફિલ્મમેકર્સ આ કેરેક્ટરને વધુ ગંભીરતા પૂર્વક ન જુવે, અને શ્રુહદ ગોસ્વામીનું કેરિયર સફળતા પૂર્વક આગળ વધે.
આ ફિલ્મ બનાવવા પાછળની ઇન્સ્પીરેશનલ સ્ટોરી – સામાન્ય બજેટ, અસંખ્ય મુશ્કેલીઓ, શરૂઆતની સંપૂર્ણ નિષ્ફળતા, ત્યારબાદ કરોડોની કમાણી
01. એક અઘરો નિર્ણય
અંકિત સખીયા, ફિલ્મ ડિરેક્શનનો શોખ ધરાવતો એક યુવાન, જેમણે એક યુટ્યુબ સીરીઝ બનાવ્યા બાદ, હવે આગળ એક ફિલ્મ બનાવવાની ઈચ્છા હતી. તેમના મિત્રો શ્રુહદ ગોસ્વામી અને કરન જોશીની પણ આજ ઈચ્છા હતી. તેમણે એક સ્ક્રિપ્ટ લખીને ત્રણ વર્ષ સુધી ફાયનાન્સર શોધ્યા, પણ કોઈ તૈયાર ના થયું.
‘MAMI Mumbai Film Festiva’માં ગયા બાદ તેને વિચાર આવ્યો ‘આપણે ફિલ્મ બનાવનાર છીએ, જોનાર નહી.’ આ સમયે તેઓ ત્રણેય ખરેખર ફ્રસ્ટ્રેટેડ અને કંટાળેલા હતા, આખરે તેમણે વિચાર્યું એક ફિલ્મ બનાવવા માટે શું જોઈએ? એક કેમેરો, થોડા એક્ટર્સ? તેમની પાસે કોઈ ખાસ સપોર્ટ નહોતો. બસ હતું, તો એક મજબુત ‘પેશન’ અને નેગેટીવીટીમાંથી પણ પોઝીટીવીટી શોધી લેવાનું વિઝન.
02. મુશ્કેલ શરૂઆત
કોઈપણ ભોગે ફિલ્મ બનાવવી છે, આ નક્કી કર્યા બાદ, થોડક કેરેક્ટર્સ અને એક મુખ્ય લોકેશનને ધ્યાનમાં રાખીને એક સ્ટોરી લખી. મુખ્ય પાત્રમાં કરણ જે એક ઘરમાં ફસાય છે, ત્યારબાદ શ્રુહદને ભગવાન કૃષ્ણનું કેરેક્ટર આપવામાં આવ્યું.
એક મિત્રનો કેમેરો લીધો, ત્યારબાદ શરૂઆત કરી. જ્યાં ત્યાંથી અને જેમ જેમ થોડું ઘણું બજેટ આવતું ગયું, તેમ તેમ ફિલ્મ બનતી ગઈ.
બસ આ રીતે તેમણે ખુબ જ મહેનત, દિલથી, અનેક મુશ્કેલીઓ વચ્ચે, અને દરેકના વ્યક્તિઓના અગાથ પ્રયત્નો સાથે તેમણે ફિલ્મ બનાવી.
ફિલ્મ બનાવ્યા બાદ તેમણે કેટલાક લોકોને બતાવી, અને સારા નસીબે પાર્થિવ ગોવિલનું પ્રોડક્શન હાઉસ તેમની સાથે જોડાયું, ત્યારબાદ અન્ય પ્રોડક્શન પણ જોડાયા.
03. રિલીઝ બાદનો ઉતાર ચઢાવ
ફિલ્મ રિલીઝ થઇ, પણ કોઈ ખાસ રિસ્પોન્સ નહોતો મળતો, ઉપરાંત દિવાળી આસપાસ ફિલ્મ રિલીઝ કરી હોવાથી તેમની કમ્પેરીઝનમાં અનેક બોલીવુડ ફિલ્મો પણ હતી. જેથી સિનેમા હોલમાંથી તેમની ફિલ્મના શો ધીમે ધીમે ઓછા થવા લાગ્યા.
આ મિત્રોએ પોતે સિનેમા હોલની વિઝીટ શરુ કરી, અને રિલીઝ બાદ હવે પોતાનાથી જે પણ થઇ શકે તે પ્રયત્નો કરીને ફિલ્મને ચલાવવાના પ્રયત્નો કરવા લાગ્યા, ઘણી વખત તેમણે પોતાના પૈસાથી ટીકીટ ખરીદી જેથી શો ચાલુ થઇ શકે, આવી પરિસ્થિતિ પણ આવી.
તેમને એક નવો પ્રયોગ કરતા શો પછી ઓડીયન્સનો રીવ્યુ લેવાનું શરુ કર્યું, અને સોશિયલ મીડિયા પર જાતે માર્કેટિંગ શરુ કર્યું. જેનો થોડો ઘણો સારો અને ખરાબ રિસ્પોન્સ પણ મળવા લાગ્યો. ઓડીયન્સ ફિલ્મ વખાણતા હતા, પણ તેની સામે શો ઓછા થઇ રહ્યા હતા.
ઓડીયન્સ થોડી ઘણી વધી પણ હવે આગળ શો જ નહોતા. એક સમય એવો પણ આવ્યો જયારે ત્રીજા વિકના અંતે આખા ગુજરાતમાં ફક્ત ત્રણજ શો બચ્યા હતા. રાજકોટ, જામનગર, અને સુરત બાકી બીજે બધેથી ફિલ્મ ઉતરી ગઈ હતી.
04. ધીમી સફળતા
અહી એક ચમત્કાર થયો, અત્યાર સુધીની મહેનતને નસીબે હવે ધીમે ધીમે સાથ આપવાનું નક્કી કર્યું. ૨૧માં દિવસ પછી રાજકોટના શોમાં ઓડીયન્સ વધવા લાગી, માઉથ પબ્લીસીટીના કારણે વધુ ઓડીયન્સ આવવા લાગી, અને જૂની ઓડીયન્સ રીપીટ પણ થવા લાગી. આમ ત્રીજા વિક પછી ફિલ્મ ધીમે ધીમે ઊંચકવા લાગી. સોશિયલ મીડિયા પર આ ફિલ્મની ચર્ચાઓ શરુ થવા લાગી, ઓડીયન્સ જેમ જેમ વધવા લાગી તેમ શો પણ ધીમે ધીમે વધવા લાગ્યા.
05. પ્રચંડ સફળતા અને ઈતિહાસ
હવે એક સમય આવ્યો કે ફિલ્મે પક્કડ બનાવવાનું શરુ કર્યું, ઓડીયન્સે આ ફિલ્મને વધાવવા લાગી, ત્યારબાદ હવે આ ફિલ્મ જોવા ઓડીયન્સનો ઘસારો થવા લાગ્યો, ફિલ્મ સફળ થવા લાગી, અને ધીમે ધીમે ફિલ્મની કમાણી કરોડ ઉપર પહોચી, ત્યારબાદ કરોડોમાં કમાણી થઈ, 3 શોમાંથી શોની સંખ્યા વધીને હવે 3000 થઈ, અને છેલ્લે સો કરોડ ઉપરની કમાણી કરીને ફિલ્મે ગુજરાતી સિનેમામાં એક ઈતિહાસ રચી દીધો.
આ ફિલ્મમેકર્સ પાસે શું હતું?
આ ફિલ્મની ટીમ પાસે કોઈ બજેટ નહોતું, ફિલ્મમેકિંગનું કોઈ મજબુત નોલેજ નહોતું, ઉપરાંત તેમની પાસે ગુમાવવા લાયક પણ કઈ જ નહોતું.
બસ હતું તો, ફિલ્મ બનાવવા માટેનો જોશ, જુસ્સો, પ્રમાણિકતા, અને અંત સુધી લડી લેવાનું મજબુત મનોબળ. અને એટલે જ આ ફિલ્મ બની, અને ત્યારબાદ તે ઐતિહાસિક સફળ પણ થઇ.
જો હોલીવુડમાં આ ઘટના બની હોત તો તેના વિષે પ્રિન્ટ મીડિયામાં ઘણું બધું લખ્યું હોય, પણ આપણા ગુજરાતી સિનેમામાં ફક્ત સફળતાને જ વખાણવામાં આવે છે, તેની પાછળ કરવામાં આવેલી મહેનતની તો નોંધ પણ લેવામાં આવતી નથી, અને તેમાં કોઈને રસ જ નથી.
એક સફળ ફિલ્મ કેવી હોઈ શકે?
એક ઓડીયન્સ તરીકે આપણા મનમાં સફળ ફિલ્મને લઈને આવી ધારણાઓ હોય છે, જેમકે… (1) એક મજબુત અને જકડી રાખે તેવી વાર્તા. (2) સુપરસ્ટાર એક્ટર્સ. (3) અનેક ટ્વિસ્ટ્સ એન્ડ ટર્ન્સ ધરાવતા સીન્સ… આકર્ષક લોકેશન્સ. (4) સ્ટોરીનો સતત ઉપર જતો સ્કેલ. (5) અને છેલ્લે, જગ્યા પરથી હળવાનું મન ન થાય તેવો ક્લાયમેક્સ.
એક ઓડીયન્સ તરીકે આપણી એક સફળ ફિલ્મની વ્યાખ્યા, અને કલ્પના પણ લગભગ આવી જ હોય છે, પણ આ ફિલ્મમાં આમાંનું કંઈપણ નથી. જો તમે આ બધાની આશા રાખીને ફિલ્મ જોશો તો ચોક્કસ નિરાશ જ થશો, અને આ ફિલ્મ એકદમ સામાન્ય લાગશે, કદાચ ફિલ્મ નહી પણ ગમે.
પણ શું એક સફળ ફિલ્મ એવી ના હોઈ શકે? જેમાં એક સીધી સરળ અને ધીમી ગતિએ આગળ વધતી વાર્તા હોય, ઓછા એક્ટર્સ અને ઓછા લોકેશન્સ હોય, અને બધું જ સામાન્ય હોય, સિવાય કે મહેનત. બસ આ ફિલ્મ પણ કઇંક આવી જ છે.
ફિલ્મમાં એક સિમ્પલીટી છે, ઓછામાં વધુ બતાવવાનો પ્રયત્ન છે, અને આ બધા પાછળ તનતોડ મહેનત છે.
જો ઓડીયન્સ તરીકે આપણે આટલું ન સમજી શકીએ, તો આપણામાં ફિલ્મોની એ સમજ ઓછી છે, અથવા તો આજકાલની ફિલ્મોએ આપણી એ સમજ પર એક પરદો પાડી દીધો છે, જેથી તેની આગળ આપણે જોઈ નથી શકતા. છેલ્લે આ ફિલ્મમાં શું શું નહોતું, તેના બદલે આ ફિલ્મમાં શું શું હતું, તે સમજવાનો પ્રયત્ન કરીએ તો જેમને આ ફિલ્મ નથી ગમી એમને પણ ગમી શકે છે.
આ ફિલ્મ ઘણા લોકોને પસંદ નથી પણ આવી
કોઈપણ ફિલ્મને પસંદ કરનારા લોકો હોય તેમ તેણે નાપસંદ કરનારા લોકો પણ હોય જ છે, તેમાં કોઈપણ નવાઈ નથી. જેમને ફિલ્મ પસંદ નથી આવી તેનું એક કારણ એ પણ હોઈ શકે છે કે આ ફિલ્મ એક રીતે ધ્યાનથી જોવા લાયક અને સમજવા ફિલ્મ છે.
હકીકતમાં આ ફિલ્મ શું હતી? ફિલ્મ લોકોને કેમ ગમી? કેમ લોકો ફિલ્મ સાથે કનેક્ટ થઇ શક્યા?
01. સૌથી પહેલા ફિલ્મની સ્ટોરીને ડીટેલમાં અને પ્રોપર રીતે સમજીએ
લાલો એક સીધો સાદો યુવાન, જે સામાન્ય કામ કરે છે, પોતાની પ્રેમિકા તુલસીના માતાપિતા તેનો સ્વીકાર ન કરવાથી બંને જુનાગઢ આવીને લગ્ન કરી લેઈ છે, અહી લાલાએ રીક્ષા ચલાવવાનું શરુ કર્યું, અને હવે પોતાની પાંચ વર્ષની દીકરી સાથે સુખેથી જીવન પસાર કરે છે. એક દિવસ તેની દીકરીને અકસ્માત થાય છે, જેના ખર્ચ માટે તેને એક મોટી રકમ ઉધાર લેવી પડે છે. બસ અહીંથી તેનું જીવન બદલાવા લાગે છે.
જે મિત્રએ ઉધાર અપાવ્યા હતા, તેમના કહેવાથી તે દારુ પીવાનું શરુ કર્યું, અને તેની લતે ચઢી ગયો, ધીમે ધીમે તેનું ધ્યાન કામ પરથી હટવા લાગે છે. આ બધાની અસર તેના લગ્ન જીવન પર પડવા લાગે છે. તેની પત્ની સાથે નાની બાબતે ઝઘડા થવા લાગે છે. અંતે સમય સંજોગોના લીધે હવે તે એક સીધા સાદા વ્યક્તિમાંથી એક ખરાબ વ્યક્તિ તરફ પરિવર્તિત થવા લાગે છે.
પૈસાની તંગી અને ઉધાર લીધેલી રકમનો બોજ તેને આખરે અનૈતિક કામ કરવા માટે પ્રેરે છે, અને આવા જ કામ દરમિયાન તે એક વિરાન ઘરમાં બંધ થઈને ફસાઈ જાય છે. જ્યાંથી નીકળવું આસાન નથી, થોડા દિવસ પછી તે શારીરિક અને માનસિક રીતે એકદમ નબળો પડી જાય છે, અને તેણે જીવનનો અંત દેખાઈ આવે છે.
પણ અહી એક વ્યક્તિ તેની મદદે આવે છે, જે થોડા દિવસ પહેલા મળેલા તેની રીક્ષાના અને મિત્ર જેવા ગ્રાહક હતા, જે લાલાને ત્યાંથી છોડાવવાના બદલે એક મિત્રની જેમ તેની સાથે વાતચીત કરીને તેને સમજાવે છે, તે બાણપણમાં કેવો હતો અને હવે કેવો થઇ ગયો, તેની ભૂલ સમજાવે છે, સાચા ખોટાનો ફર્ક સમજાવે છે.
પણ લાલો કંઈપણ સમજવા તૈયાર નથી, તેને ગમે તેમ કરીને અહીથી નીકળવું છે, અને પોતાના બગડેલા જીવનને સુવ્યવસ્થિત કરવું છે. તેનામાં આત્મ ચિંતન કરવાની સુજ નથી, કેમ કે તેને અત્યાર સુધી આવું કોઈએ સમજાવ્યું નહોતું. આખરે લાલાને બંધ ઘરમાંથી બહાર નીકળવાની એક તક મળે છે, પણ તેની લાલચના કારણે તે ફરીથી ઘરમાં પુરાઈ જાય છે.
છેવટે લાલાને એ મિત્રની વાતો સમજાવા લાગે છે, અને ધીમે ધીમે પોતે કરેલી ભૂલો પણ સમજાય છે, અને અંતે એ મિત્ર લાલાને સલાહ આપે છે, “તું ફક્ત મહેનત કર, હું તારી સાથે છું.” હવે લાલામાં પરિવર્તન આવવા લાગે છે, અને બહાર નીકળવાના પ્રયત્નો શરુ કરે છે.
02. ફિલ્મ ઓડીયન્સ સાથે કેવી રીતે કનેક્ટ થઈ?
આ ફિલ્મમાં એવા અનેક પોઈન્ટ્સ હતા જે લોકોને ઘણા ગમ્યા હતા, જેમ કે:
(1) સૌથી પહેલા તો ફિલ્મમાં ભગવાન કૃષ્ણ સાથેનો સબંધ લોકોને ગમી ગયો, ઉપરાંત અહી ભગવાનને ચમત્કારી નથી બતાવ્યા, પણ એક સામાન્ય માનવ સ્વરૂપે બતાવ્યા છે. (2) દરેક વ્યક્તિ પોતાના જીવનમાં અનેક દુખમાં ઘેરાયેલો છે, ઓડીયન્સને કદાચ ફિલ્મમાં પોતાનું પ્રતિબિંબ દેખાયું. (3) દરેક વ્યક્તિને કોઈને કોઈ સ્વરૂપે એક મિત્ર, ગાઈડની જરૂર છે, સાચી સલાહની જરૂર છે, જે તેમને નથી મળી રહ્યું. (4) અમુક સમય બાદ અનેક વ્યક્તિને જીવનમાં પોતાની ભૂલોનો અહેસાસ થાય છે. કદાચ આ પણ કામ કરી ગયું.
આ બધું જ આ ફિલ્મમાં દર્શાવવામાં આવ્યું હતું, જે ઓડીયન્સને ટચ કરી ગયું. જે એક કોમર્શીયલ ફિલ્મની વ્યાખ્યા કરતા એકદમ અલગ હતું.
03. અન્ય ધાર્મિક સંસ્થાઓ દ્વારા મદદ
અમદાવાદના કોઈ એક મંદિરના નોટીસ બોર્ડ પર લખ્યું હતું “લાલો ફિલ્મમાં ભગવાન કૃષ્ણ આ શીખવે છે કે….” આમ કેટલીક ધાર્મિક સંસ્થાઓ અને મંદિરો દ્વારા આ ફિલ્મનો પ્રચાર કરવામાં આવ્યો, જેણે અનાયસે જ ફિલ્મના માર્કેટિંગમાં પોતાનો ફાળો આપ્યો.
વ્યક્તિગત વિચાર અને ફિલ્મનો જોવાનો અનુભવ
મહેનતુ વ્યક્તિઓ અને ઇન્સ્પીરેશન સ્ટોરી, એ બંને મારી વ્યક્તિગત પસંદગી છે. જેથી જે ફિલ્મમાં ખરેખર મહેનત થઇ હોય, જે ફિલ્મ પેશનથી બની હોય, તેવી ફિલ્મો મને વધુ પસંન્દ આવે છે.
રિઝલ્ટ સૌથી છેલ્લે આવે છે, પણ સૌથી પહેલા આ કામ કરવા પાછળ આશય આવે છે, તમારી નીતિ કેવી છે? તેના ઉપર ઘણું બધું ડીપેન્ડ કરે છે. ત્યારબાદ તે કામ કરવા પાછળની મહેનત આવે છે, આશય ભલે સારો જ હોય, પણ મહેનત કેવી કરવામાં આવી છે તે ખુબ મહત્વનું છે, અને છેલ્લે તેનું પરિણામ. બસ આજ કારણે આ ફિલ્મ ગમી.
પ્રમાણિકતાથી કહું તો, આ ફિલ્મ જયારે પહેલી વખત જોઈ ત્યારે કોઈ ખાસ ગમી નહોતી. પણ માઉથ પબ્લીસીટી, સોશિયલ મીડિયા પર તેના રીલેટેડ સતત પોસ્ટ્સ, આ બધું જોઇને આ ફિલ્મ વિષે સર્ચ કર્યું, અને ફિલ્મ વિશેની જે વાતો જાણવા મળી તેનાથી ફિલ્મમાં રસ પડ્યો, અને ફિલ્મ ફરીથી જોઈ. ત્યારબાદ ફિલ્મ વધુ સારી રીતે સમજાઈ. ફિલ્મને લઈને આ મારો વ્યક્તિગત અનુભવ છે.
Conclusion
Laalo: Krishna Sada Sahaayate (2025) એ ગુજરાતી સિનેમાનો એક ઐતિહાસિક માઇલસ્ટોન છે. ફિલ્મની કમાઈનો આંકડો જ ફિલ્મની શક્તિ દર્શાવે છે.
જો તમે ધાર્મિક હોવ, જો તમે ગંભીર ફિલ્મોને પસંદ કરતા હોવ, ફિલ્મને જોવાની સાથે સમજવાની ટેવ ધરાવતા હોવ, અને ફિલ્મો દ્વારા કંઇક જાણવા, શીખવા પણ માંગતા હોવ, તો આ ફિલ્મ તમને ગમી શકે છે. પોતાની ભૂલોમાંથી શીખનારને, ઉપરાંત આત્મચિંતન કરનાર વ્યક્તિઓને પણ આ ફિલ્મ ગમી શકે છે.
જો તમે ગુજરાતી સીનેમાંની potential જોવા માંગતા હોવ, તો આ ફિલ્મ એક masterclass છે. તે સાબિત કરે છે કે story, faith અને honesty, આ ત્રણે વસ્તુઓ હોય તો સ્ટાર્સ, હવી બજેટ કે મોટા બેનર્સની જરૂર નથી.
“કૃષ્ણ સદા સહાયતે” આ ટેગ લાઈન ફિલ્મ માટે પરફેક્ટ છે. કારણ કે આ ફિલ્મને ભગવાન કૃષ્ણની જેમ જ ઓડીયન્સનો સાથ મળ્યો, slow start, પણ પછી divine intervention. આ ફિલ્મ OTT ઉપર ઉપલબ્ધ છે, જો ના જોઈ હોય તો આજે જ જોવો.
આ બ્લોગ આધારિત તમારા thoughts, feedback, નીચેના ‘comment section’માં લખી શકો છો, અથવા E-mail અને WhatsApp પણ કરી શકો છો.
